Admir Fazlagic
03 Септември 2016•Ажурирај: 05 Септември 2016
СКОПЈЕ (АА) - Во присуство на илјадници фанови познатиот иведувач на исламската духовна музика, Сами Јусуф, вечерва го одржа својот концерт во арената „Филип II" во Скопје, јавува Anadolu Agency (AA).
На самиот почеток на концертот, британскиот кантавтор по потекло од Азербејџан, им се заблагодари на сите присутни кои дојдоа да го испочитуваат и да ги слушнат неговите песни истакнувајќи дека му претставува особена чест и задоволство да настапува пред публиката во Македонија. Обраќајќи се кон публиката Сами Јусуф рече дека Балканот претставува место во кое живеат луѓе од различни етнички и верски припадности, како и дека тој самиот е личност која е родена на Истокот, а израсната на Западот.
Концертот пред скопската публика познатиот изведувач на духовната музика го започна со песната „Мухамед" (Muhammad), а заедно со него во еден глас пееше и пбуликата.
За време на концертот овој истакнат пејач, ги изведе постарите песни, но и песните од неговиот најнов албум „Бараках“ (Бериќет).
Младата Нурај Хусеин е една од многубројните фанови на Сами Јусуф. Во разговор за АА таа вели дека го прекинала својот одмор во странство и се вратила само да биде вечерва на концертот.
„Јас сум негов голем фан, многу сум возбудена што сум тука. Кога слушнав Сами Јусуф дојде во Скопје, си реков на себеси дека нема шанси да го пропуштам неговиот настап во Скопје", рече Нурај.
Со своето семејство на концерт дојде и Енедин Бишевац од Скопје, кој вели дека многу го почитува Сами Јусуф како музичар, додавајќи дека неговите песни ја покажуваат состојбата муслиманите во светот и праќаат порака на заедништво и љубов.
„Дојдов со моето семејство. Ние сме големи фанови на Сами Јусуф. Чувстовото е позитивно и очекуваме добар концерт. Всушност, Сами Јусуф е личност која со години наназад има добри песни. Секоја негова песна има порака и ја покажува моменталната состојба на муслиманите во светот", истакна Бишевац.
Своите песни пред скопската публика Сами Јусуф ги пееше на англиски, турски и арапски јазик.
