Авганистан: Во самоубиствен напад загинаа тројца војници на НАТО

КАБУЛ (АА) - Во самоубиствен напад, изведен во источниот дел на Авганистан, загинаа тројца војници на НАТО, јавува Anadolu Agency (AA).

Единиците на НАТО во Авганистан соопштија дека е изведен самоубиствен напад врз конвој на НАТО, кој патролирал во источниот дел на земјата.

Во нападот се ранети и тројца војници, од кои еден припадник на американски и двајца припадници на авганистанските трупи.

Вахида Шахкар, портпаролката на Канцеларијата на гувернерот на провинцијата Парван, изјави дека нападот е изведен во Хилазеј.

Нема податоци за идентитетот на настраданите, а одговорноста за нападот ја презедоа Талибанците.