Jeyhun Aliyev
13 Декември 2018•Ажурирај: 14 Декември 2018
РИМБО (АА) - Завојуваните страни во Јемен постигнаа договор за прекин на огнот во пристанишниот град Худeјда, потврди денес генералниот секретар на Обединетите нации (ОН), Антонио Гутереш, јавува Anadolu Agency (AA).
Гутереш истакна дека договорот го опфаќа распоредувањето на неутрални сили, како и поширок прекин на огнот во регионот.
Претходно, за време на мировните преговори со посредство на ОН во Шведска, бунтовниците Хуси најавија договор за прекин на огнот со јеменската влада и повлекување од Худeјда.
Преговорите со посредство на ОН започнаа во шведскиот главен град Стокхолм на 6 декември, во обид да се стави крај на 4-годишните воени судири во Јемен.
