Од Јужен Судан во Етиопија секојдневно поминуваат 900 бегалци

АДИС АБЕБА (АА) - Според податоците на Канцеларијата за бегалци и повратници во Етиопија, секојдневно од Јужен Судан, во Етиопија преминуваат околу 900 бегалци, пренесува Anadolu Agency (AA).

Според зборовите на претседателот на Канцеларијата, Стивен Гебре Медин, Етиопија секојдневно прима околу 900 бегалци од Јужен Судан.

„Од 28 август до денес, бројот на бегалците е зголемен на 32.000. Воглавно станува збор за жени и деца“, истакна Медина.

Тој нагласи дека главната причина за овој бран бегалци е нестабилноста и сушата на тоа подрачје.

Во Етиопија се наоѓаат бегалци од Сомалија и од Еритреја. Медина изјави дека оваа земја досега вкупно од сите набројани земји примила околу 800.000 бегалци.

Според податоците на Високиот комесаријат на Обединетите нации (ОН) за бегалци, од 8 август, од Јужен Судан во соседните земји побегнале околу милион лица.