Промотивен лет на „Турските ѕвезди“ над Истанбулскиот Теснец

ИСТАНБУЛ (АА) - Денеска летечкиот тим „Турските ѕвезди“ во рамките на активностите на ТЕКНОФЕСТ Истанбул, изведе перформанс од низок лет над Истанбулскиот Теснец, јавува Anadolu Agency (AA).

Промотивниот лет на „Турските ѕвезди“ е дел од активностите по повод утрешното отворање на ТЕКНОФЕСТ Истанбул, организиран од страна на Фондацијата „Тим за технологија на Турција“ и Општина Истанбул. Anadolu Agency (AA) е глобален комуникациски партнер на ТЕКНОФЕСТ.

„Турските ѕвезди“, изведоа низок лет над Истанбулскиот Теснец, притоа надлетувајќи го мостот „Јавуз Султан Селим“ и населбите како што се Саријер, Тарабја, Селимије, Адалар, Малтепе, Бостанџи, Кадиќој, Ченѓелќој, Румели Хисар...

Граѓаните на Истанбул ги зазедоа местата долж брегот од Теснецот и со интерес го следеа перформансот на летечкиот тим „Турските ѕвезди“, снимајќи го настанот со телефони и камери.

Можеше да се забележи дека некои од граѓаните настанот го следеа од своите балкони и крововите на зградите.