САД: Вселенското летало на НАСА, „Инсајт“, слета на Марс

ВАШИНГТОН (АА) - Вселенско летало на НАСА кое има задача да ја истражува внатрешноста на Марс слета на површината на планетата, по опасното шестминутно спуштање во атмосферата на црвената планета, пренесува Anadolu Agency (AA).

Слетувањето беше следено и поздравено од Лабораторијата на НАСА во Калифорнија.

Леталото слета по шестмесечно патување низ вселената и поминати 483 милиони километри.

Мисијата на „Инсајт“ ќе се состои од истражување на внатрешната структура на планетата Марс, нејзината кора, обвивката и јадрото. Мисијата ќе ги регистрира и тектонската активност и влијанието на метеоритите на Марс.

„Те чувствувам Марс - и наскоро ќе го спознаам твоето срце. Со ова безбедно слетување, јас сум тука. Јас сум дома“, напишаа од НАСА на профилот на Твитер за мисијата на „Инсајт“.

САД досега имаа девет обиди за слетување на летала на површината на планетата, почнувајќи со мисијата на „Викинг“ во 1976 година.

Последен пат НАСА изведе успешно слетување на Марс во 2012 година, со роверот „Кјуриозити“.