САД се повлекуваат од Договорот за нуклеарни сили од среден дострел

ВАШИНТОН (АА) - САД денес објавија дека од утре ќе започне процесот за повлекување од Договорот за нуклеарни сили од среден дострел со Русија, поради нејзино прекршување на Договорот, јавува Anadolu Agency (AA).

Американскиот државен секретар, Мајк Помпео, денес ја обвини Русија дека постојано без каење ги прекршува условите од Договорот за нуклеарно вооружување од среден дострел (INF) и дека Москва останува при материјалното прекршување на своите обврски.

Официјалното напуштање на Договорот се очекува речиси четири месеци.

Американскиот претседател, Доналд Трамп, во октомври во Вашингтон најави повлекување од Договорот за нуклеарно вооружување од среден дострел (INF), што ги елиминираше сите американски и руски крстосувачки проектили со дострел од 310-3.420 милји (500-5.500 километри) и нивните фрлачи, наведувајќи ги наводните руски прекршувања на Договорот.

Помпео во декември ѝ даде на Русија рок од 60 дена да се врати во согласност со Договорот, но рече дека таа не го сторила тоа.

„Русија одби да преземе какви било чекори за да се врати на вистинска и верификувана согласност во текот на овие 60 дена“.

Повлекувањето ќе стапи на сила во рок од шест месеци, почнувајќи од утре, во рамките на условите на Договорот.