Седум земји со апел до ОН за формирање Сириски уставен комитет

ОБЕДИНЕТИ НАЦИИ (АА) - САД, Велика Британија, Франција, Германија, Египет, Саудиска Арабија и Јордан упатија апел до специјалниот претставник на ОН за Сирија, Стефан де Мистура, за формирање Сириски уставен комитет во најкраток можен рок, пренесува Anadolu Agency (AA).

Министрите за надворешни работи на овие седум земји, преку заедничка декларација, побараа од Мистура во најкраток можен рок да се формира безбеден и опсежен уставен комитет, кој ќе започне со работа на нов устав во Сирија и ќе го подготвува теренот за избори што ќе се одржат под надзор на ОН.

Во заедничката декларација се упатува апел до Мистура најдоцна до 31 октомври да поднесе извештај до Советот за безбедност на ОН околу тоа до која фаза е дојдено во формирањето на уставниот комитет.