Кина лансираше сателит за географски истражувања

ИСТАНБУЛ (AA) - Кина денес лансираше нов сателит за географски истражувања од Центарот за лансирање сателити Џиукван, на северозападот на земјата, пренесува Анадолу.

Сателитот „Тјанхуеј-7“, лансиран со ракетата „Лонг Марч-4Б“ во 12:12 часот (05:12 по средноевропско време), влезе во планираната орбита, јави државната новинска агенција Синхуа.

Примарно ќе се користи за задачи како што се географско мапирање, истражување на земјишни ресурси и научни истражувања.

Ова лансирање, исто така, ја означи 622. мисија на носечките ракети од серијата „Лонг Марч“.