„Хабл“ сними вселенска панорама која вклучува 15.000 галаксии

АНКАРА (АА) - Вселенскиот телескоп „Хабл“ сними една од најопсежните панорами снимени до денес, пренесува Anadolu Agency (AA).

Националната администрација за аеронаутика и вселена (НАСА) на својата интернет-страница објави панорамска фотографија која вклучува 15.000 галаксии, снимена од ултравиолетовата камера на „Хабл“.

Се истакнува дека формацијата на дел од галаксиите вклучени во вселенската панорама на овој телескоп датира од пред 11 милијарди години.

Според соопштеното, околу 12.000 од овие галаксии се млади галаксии кои создаваат ѕвезди.

Вселенскиот телескоп „Хабл“ е развиван заеднички од НАСА, Европската вселенска агенција и Научниот институт за вселенски телескоп, а од 1990 година врши вселенски набљудувања на орбитата на Земјата.