Можна соработка на турски „Бајкар“ со италијанскиот гигант „Леонардо“ по купувањето на „Пјаџо“

ИСТАНБУЛ (АА) - Турскиот производител на беспилотни борбени летала „Бајкар“ може да воспостави соработка со италијанскиот гигант во одбранбената индустрија „Леонардо“ по неговото неодамнешно купување на „Пјаџо аероспејс“, изјави италијанскиот министер за претпријатија и „Made in Italy“, Адолфо Урсо, јавува Анадолу.

„Продажбата на 'Пјаџо аероспејс' на турски ‘Бајкар’ овозможува повторно лансирање на стратешката компанија и ни овозможува да претставиме пошироко технолошко и индустриско партнерство меѓу Италија и Туркије, што исто така ќе има значителен развој во други проекти од голем интерес за нашата земја“, истакна Урсо на седницата за прашања до Владата во Сенатот.

„Во овој контекст на зајакнување на индустриските односи меѓу Италија и Туркије, ние разгледуваме идни сојузи со компании во секторот како 'Леонардо' за да го зајакнеме нашиот аеровселенски сектор и нашето лидерство во ЕУ“, додаде тој.

Минатиот месец, „Бајкар“ го објави купувањето на „Пјаџо аероспејс“ (Piaggio Aerospace), италијанска компанија од областа на аеровселената, основана во 1884 година.

Одбранбениот и гигантот во областа на аеровселената „Леонардо“ е 13-та по големина одбранбена компанија во светот и втора по големина во Европа, според Стокхолмскиот меѓународен институт за истражување на мирот.