САД: Дел од ракетата на „Спејс икс“ падна во ненаселено место во Вашингтон

ВАШИНГТОН (АА) - Дел од ракетата на „Спејс икс“ (SpaceX), американскиот производител на ракети, сателити и вселенски капсули, падна во ненаселено подрачје во американската сојузна држава Вашингтон, пренесува Агенција Анадолија (АА).

Весникот „The Tri-City Herald“ јави дека дел од ракетата „Фалкон 9“, лансирана на 4 март, паднал на земјоделско земјиште во Вашингтон.

Металниот дел е долг околу 1,5 метри, а станува збор за втора фаза на одвојување на ракетата за време на нејзиното враќање на Земјата.

Локалните власти стапија во контакт со компанијата и потврдиле дека станува збор за дел од ракетата на „Спејс икс“.

„Спејс икс“ лансираше 60 сателити, кои се дел од сателитската мрежа Старлинк, со ракетата „Фалкон 9“ на 4 март од Вселенскиот центар „Кенеди“ во сојузната држава Флорида.