Трамп ќе се сретне „многу наскоро“ со Путин

Американскиот претседател Доналд Трамп денес изјави дека ќе се сретне со својот руски колега, Владимир Путин, „многу наскоро“, јавува Анадолу.

„Ќе беше порано, но претпоставувам дека постојат безбедносни аранжмани кои за жал, луѓето мора да ги направат“, изјави Трамп за новинарите по церемонијата на потпишување со Ерменија и Азербејџан во Белата куќа.

„Мислам дека локацијата ќе биде многу популарна од многу причини, но тоа ќе го објавиме малку подоцна“, додаде тој.

Трамп рече дека Русија и Украина ќе разменуваат територии како дел од мировниот договор.

„Ќе има одредена размена на територии за доброто на двете страни“, додаде американскиот претседател.