„Евакуирани седум училишта во северниот дел на Газа“, објави УНРВА

ГАЗА (АА) - Агенцијата на Обединетите нации за помош и работа за палестинските бегалци на Блискиот Исток (УНРВА) објави дека седум училишта во кои се засолниле раселените Палестинци се евакуирани во северниот дел на Појасот Газа, известува Анадолу.

Израелската армија претходно упати повик за евакуација.

Во соопштението УНРВА нагласи дека интензивирањето на нападите на израелската армија врз северниот дел на Појасот Газа довело до затворање на службите за спасување животи.

„Седум училишта на УНРВА во кои се сместени раселените лица се евакуирани во северниот дел на Газа. Само два од осум бунари за вода се активни во бегалскиот камп Џабалија“, објавија УНРВА.

Израелската армија, која започна нов копнен напад врз некои места во северниот дел на Појасот Газа, се обидува насилно да ги отстрани Палестинците од тие подрачја.

Израелските напади се концентрирани на регионите Беит Ханун и Беит Лахије во северниот дел на Газа, особено врз бегалскиот камп Џабалија.

Додека во исчекување се нападите на Израел врз Либан и неговиот можен одговор на Иран, важно е да се напомене дека израелската армија започна нов бран на насилство и миграција во северниот дел на Газа.

Во израелските напади врз Појасот Газа од 7 октомври минатата година досега убиени се 42.010 Палестинци, а 97.720 се повредени.