Kaan Bozdoğan
16 Октомври 2023•Ажурирај: 16 Октомври 2023
ИСТАНБУЛ (АА) - Турскиот претседател Реџеп Таип Ердоган телефонски разговараше со иранскиот претседател Ебрахим Раиси, јавува Анадолу.
Ердоган и Раиси телефонски разговараа за конфликтот меѓу Израел и Палестина, сѐ поголемата напнатост во регионот и чекорите што треба да се преземат за решение, се наведува во соопштението од Кабинетот за комуникации на Претседателството на Туркије.
Ердоган истакна дека што поскоро завршување на конфликтот е важно за регионалниот и светскиот мир, и дека Туркије вложува интензивни напори во доставувањето хуманитарна помош во Газа.
Тој додаде дека треба да се избегнуваат чекори што ја зголемуваат тензијата и дека позитивните чекори преземени од двете страни за прашањето на Израел и Палестина може да доведат до трајно решение.
