Трамп рече дека осомничениот за убиството на Чарли Кирк е фатен

ВАШИНГТОН (АА) - Американскиот претседател Доналд Трамп денес изјави дека верува „со висок степен на сигурност“ дека властите го уапсиле осомничениот за фаталното пукање врз десничарскиот коментатор Чарли Кирк, пренесува Анадолу.

„Мислам дека со висок степен на сигурност го имаме во притвор“, рече Трамп за време на интервју за телевизијата Фокс њуз. „Сите одлично си ја завршија работата.“

Тој нагласи дека осомничениот треба да се соочи со смртна казна.

Кирк (31) беше смртно застрелан во средата додека имаше обраќање пред група студенти на Универзитетот „Јута Вали“ во градот Орем, околу 64,4 километри јужно од Солт Лејк Сити. Очигледниот таргетиран напад се случи и покрај присуството на обезбедувањето, шест универзитетски полицајци и приватниот тим на Кирк.

Онлајн видеата го снимија моментот кога куршумот го погоди Кирк додека зборуваше, предизвикувајќи студентите да бегаат во паника. Тој беше итно пренесен во болница, каде што им подлегна на повредите и после неколку часа беше прогласен за мртов.