Турскиот претседател Ердоган пристигна во еднодневна работна посета на Саудиска Арабија

Турскиот претседател Реџеп Таип Ердоган денес пристигна во Саудиска Арабија во еднодневна работна посета, јавува Анадолу.

Авионот на Ердоган слета на меѓународниот аеродром „Крал Абдулазиз“ во Џеда, каде што беше пречекан од заменик-гувернерот на регионот Мека, Мишал бин Абдулазиз ал-Сауд, турскиот амбасадор во Ријад, Емрулах Ишлер и генералниот конзул во Џеда, Мустафа Унал.

Потоа Ердоган со возило се упати кон светиот град Мека.

Во текот на посетата се очекува турскиот претседател да се сретне со саудискиот престолонаследник и премиер Мохамед бин Салман, како и со пакистанскиот премиер Шехбаз Шариф.

Засега не се соопштени дополнителни детали за содржината на разговорите.