72 патници загинаа во авионската несреќа што се случи во Непал

ПОКХАРА (АА) - Во авионската несреќа што се случи на 15 јануари во Непал бројот на загинати се зголеми на 72, известува Агенција Анадолија (АА).

За време на спасувачките операции во близина на долината на реката Сети, каде што се урна патничкиот авион од типот ATР 72 на „Јети ерлајнс“, кој леташе на дестинацијата од главниот град Катманду кон Похара, пронајдени се мртвите тела на уште двајца американски државјани, со што вкупниот број на загинати се зголеми на 72.

Нед Прајс, портпаролот на Стејт департментот на САД, истакнувајќи „длабоко жалење“ за смртта на 72 лица во авионската несреќа, меѓу кои има американски државјани, им изрази сочувство на семејствата на загинатите.

Премиерот Пушпа Камал Дахал прогласи ден на национална жалост во земјата и донесе одлука за формирање комитет од пет лица кои ќе ја истражат несреќата.