ИСТАНБУЛ (АА) - Најмалку 12 лица се убиени во Северен Авганистан кога неидентификувани вооружени лица пукале во нив, јавија локалните медиуми, пренесува Анадолу.

Инцидентот се случил во светилиште во областа Нахрин во северната провинција Баглан во текот на ноќта, објави „Кама прес“.

Сѐ уште не е откриен идентитетот на извршителите на нападот.

Официјални лица го потврдија бројот на жртвите.

Меѓународните сили се повлекоа од Авганистан во август 2021 година, а земјата разурната од војна е управувана од привремена талибанска администрација.