Atila Altuntaş
19 Март 2022•Ажурирај: 19 Март 2022
СТОКХОЛМ (АА) - Воен авион на НАТО се урна денес за време на вежба во јужниот дел на Норвешка, пренесува Агенција Анадолија (АА).
Авионот на НАТО со четворица членови на екипажот се урна за време на НАТО-вежбата „Студен одговор 2022“, јави норвешката државна телевизија НРК.
Портпаролот на Главниот центар за спасување на Норвешка, Јан Ескил Северинсен, изјави дека ја продолжуваат потрагата во регионот откако добиле информации за падот на авионот.
Наведувајќи дека потрагата е отежната поради лошите временски услови во регионот, Северинсен напомена дека немаат никакви информации за здравствената состојба на екипажот.
Оле Кристијан Емаус, шефот за комуникации на Вооружените сили на Норвешка, нагласи дека не ја знаат националноста на луѓето во авионот, додавајќи дека станува збор за авион на НАТО што им припаѓа на Соединетите Американски Држави (САД).