Азербејџанската војска го ослободи градот Фузули од ерменска окупација

БАКУ

Претседателот на Азербејџан Илхам Алијев соопшти дека градот Фузули и неколку села се ослободени од ерменска окупација, јавува Агенција Анадолија (АА).

Алијев во обраќањето до нацијата рече дека од ерменската окупација се ослободени градот Фузули, и селата Коџахметли, Чимен, Чуварли, Пирахмети, Мусабејли, Ишикли и Дедели.

Азербејџанската војска во операцијата покрената со цел ослободување на територијата од окупација, претходно ослободи неколку села кои припаѓаат на Фузули.

Ерменската војска во 1993 година го окупираше центарот на Фузули и повеќето села.

Пред окупацијата, во Фузули, со површина од 1.386 квадратни километри, живееле околу 144.000 Азербејџанци.

Во ерменските напади ранети се околу 1.500 жители на Фузули, а 155 деца останаа без родители.

Во подрачјето на Фузули кое го сочинуваат градскиот центар, околината и 75 села, не се окупирани само 20 села.