Американскиот највисок суд го отфрли барањето на Трамп за понишување на гласовите во клучните држави

ВАШИНГТОН

Американскиот Врховен суд го отфрли последниот обид предводен од сојузниците на американскиот претседател во заминување, Доналд Трамп, да го поништи исходот на изборите од 3 ноември, пренесува Агенција Анадолија (АА).

Врховниот суд во краткото непотпишано мислење рече дека тужбата која ја води Тексас „нема валидност“ за започнување правно оспорување, бидејќи државата „не покажала правно препознатлив интерес за начинот на кој друга држава ги спроведува своите избори“.

„Сите останати предлози на чекање се отфрлуваат како спорни“, се вели во наредбата.

Пресудата на судот е втор удар врз правните предизвици што ги донесоа Трамп и неговите сојузници. Судот во вторникот го отфрли напорот на некои републиканци во Пенсилванија.

Трамп уште не се обрати јавно откако тој случај го отфрли Врховниот суд.

Претседателскиот кандидат на демократите, Џо Бајден, победи на изборите на 3 ноември и освои далеку повеќе од потребните 270 гласови. Обезбеди 306 делегати во своја корист во однос на Трамп, кој обезбеди 232.