Аргентина: Обид за атентат врз потпретседателката Киршнер

БУЕНОС АИРЕС

Обид за атентат во Аргентина се случи врз потпретседателката и поранешна претседателка на земјата, Кристина Фернандез де Киршнер, јавува Агенција Анадолија (АА).

На снимките објавени во локалните медиуми се гледа како маж вперува пиштол во Киршнер додека таа ги поздравува своите поддржувачи пред да влезе во својот дом, а нејзините телохранители интервенираат.

Аргентинскиот министер за безбедност, Анибал Фернандез, за ТВ-каналот Ц5Н (C5N) изјави дека напаѓачот е приведен по инцидентот, а оружјето е испратено на анализа.

Во вестите објавени во националните медиуми се наведува дека лицето кое го вперило пиштолот е Фернандо Андрес Сабаг Монтиел, 35-годишен Бразилец, за кого е откриено дека претходно бил осуден поради носење оружје.

Се дознава дека Монтиел чкрапнал на прекинувачот кога го доближил пиштолот до лицето на Киршнер, но пиштолот не испукал куршум.

Поддржувачите на Киршнер, во знак на поддршка, секој ден се собираат пред нејзиниот дом откако минатата недела во судски процес е побарана казна од 12 години затвор поради корупција.