Бајден нареди испраќање дополнителни 3.000 војници во Полска

ВАШИНГТОН

Американскиот претседател Џо Бајден нареди испраќање на 3.000 војници во Полска поради стравувањето од можна руска агресија врз Украина, изјави висок американски претставник, известува Агенција Анадолија (АА).

„По наредба на претседателот, американскиот министер за одбрана Лојд Остин нареди во Полска да се испратат 3.000 војници од борбениот тим 82. воздушно-десантна пешадиска бригада со седиште во Форт Браг во Северна Каролина“, соопшти официјален претставник на САД.

Според него, војниците ќе го напуштат Форт Браг во следните неколку дена, а се очекува дека ќе пристигнат во Полска во почетокот на следната недела, додавајќи дека војниците во Полска ќе им се приклучат на 1.700 војници што министерот Остин таму ги испрати на 2 февруари.

Дополнителниот воен персонал од вкупно 5.000 војници формира многу мобилни и флексибилни сили, способни за повеќекратни мисии.

Американскиот советник за национална безбедност, Џејк Саливан, изјави дека Русија може да ја нападне Украина во кој било момент и дека инвазијата би можела да започне со бомбардирања и ракетни напади, по што би следувала копнена инвазија.