Блинкен: САД ќе одговорат на нападот на базата „во повеќе слоеви и фази“

ВАШИНГТОН (АА) - Во врска со нападот врз американската база на сириско-јорданската граница, американскиот државен секретар Ентони Блинкен рече дека „одговорот на САД ќе биде повеќеслоен, ќе се одвива во фази и во долг временски период“, јавува Анадолу.

Блинкен, кој одржа заедничка прес-конференција со генералниот секретар на НАТО, Јенс Столтенберг, во Вашингтон, говореше за нападот во кој загинаа тројца американски војници.

Блинкен изјави дека жалат за војниците што ги загубија животите во нападот и порача дека ги презеле сите можни мерки да не се повторат ваквите напади. Нагласи дека администрацијата на Џо Бајден ги проценува опциите за воен одговор.

На прашањето како ќе одговорат САД, Блинкен рече: „Како што рече претседателот, ние ќе одговориме (на овој напад), а тој одговор ќе биде повеќеслоен, ќе се одвива во фази и долг временски период.“

Наведувајќи дека не бараат војна со Иран, Блинкен истакна дека тензиите во регионот се зголемени од 7 октомври и дека ќе продолжат да ги штитат интересите на САД на Блискиот Исток.