Британскиот премиер му се заблагодари на Ердоган за улогата на Турција во мировните преговори во Украина

ЛОНДОН (АА) – За време на билатералната средба на маргините на самитот на НАТО во Хаг денес, британскиот премиер Кир Стармер му се заблагодари на турскиот претседател Реџеп Таип Ердоган за неговата поддршка на планирањето на Коалицијата на доброволните и за улогата на Турција во мировните преговори за Украина, јавува Анадолу.

За време на средбата, Ердоган и Стармер разговараа за „опасната ситуација“ на Блискиот Исток и го поздравија прекинот на огнот меѓу Израел и Иран, се вели во соопштението од Кабинетот на британскиот премиер.

Двајцата лидери се согласија дека „преговорите мора да доведат до следниот витален чекор напред“, се додава во соопштението.

Во врска со Газа, Ердоган и Стармер се согласија дека е потребно итно забрзување на помошта и ставање крај на неподносливата ситуација.

Осврнувајќи се на ситуацијата во Украина, Стармер му се заблагодари на Ердоган „за неговата поддршка на планирањето на Коалицијата на доброволните и му се заблагодари за улогата на Турција во мировните преговори“, се додава во соопштението.

Турскиот претседател и британскиот премиер, исто така, го поздравија „зајакнувањето на воената соработка меѓу двете земји и се согласија за важноста на постигнувањето напредок во разговорите за договорот за слободна трговија“.