Bahtiyar Abdülkerimov
16 Септември 2021•Ажурирај: 17 Септември 2021
ХИВА (АА) - Турскиот град Бурса e избран за престолнина на културата за 2022 година на туркискиот свет на состанокот на 38. мандат на Постојаниот совет на министри за култура на Меѓународната организација на туркиска култура (ТУРКСОЈ), пренесува Агенција Анадолија (АА).
Со одлуката донесена на состанокот на 38. мандат на Постојаниот совет на министри за култура на ТУРКСОЈ, одржан во градот Хива, Узбекистан, Бурса е прогласена за светска престолнина на културата за 2022 година во туркискиот свет.
Говорејќи на состанокот, министерот за култура и туризам на Турција, Мехмет Нури Ерсој, предложувајќи Бурса да биде културна престолнина на туркискиот свет следната година, рече: „Сакам со големо задоволство да ја објавам кандидатурата на нашата фасцинантна Бурса како културна престолнина на туркискиот свет за 2022 година. Бурса служеше како главен град на османлиската држава, фасцинира со нејзината историска и архитектонска текстура и ги импресионира посетителите со нејзиното зеленило и природни убавини.“
На состанокот, учесниците го прифатија предлогот и одлучија Бурса да се прогласи за престолнина на културата за 2022 година од туркискиот свет.
Со другата одлука донесена на состанокот, 2022 година е прогласена за година на одбележување на киргистанскиот уметник Токтоболот Абдумомунов, азербејџанскиот композитор Фикрет Амиров и турскиот мистик Сулејман Челеби.
