Велика Британија: Во антитерористичка акција ранета жена и уапсени четири лица

ЛОНДОН (АА) - Полицајците синоќа застрелаа една жена и уапсија четири лица во антитерористичките акции во Лондон и Кент, пренесува Anadolu Agency (AA).

Во соопштението од лондонската полиција се наведува дека жена на околу дваесет години е ранета кога полициските службеници влегле во еден дом во северозападен Лондон. Се наведува дека жената е во болница и дека е сериозно повредена, но е во стабилна состојба.

Се додава дека во близина на истата адреса се уапсени маж и жена, 16-годишно момче, додека 43-годишна жена е приведена во Кент.

Осомничените се задржани во полициска станица во јужен Лондон поради сомнеж дека подготвувале и поттикнувале терористички дела, се истакнува во соопштението.