Во Газа приведени 36 палестински новинари од страна на Израел од 7 октомври
- „Го документиравме приведувањето на 36 новинари од страна на Израел во текот на геноцидната војна врз Газа“, изјави за Анадолу, Исмаил Тавабтех, кој ја предводи владината канцеларија за медиуми на Газа.
![Во Газа приведени 36 палестински новинари од страна на Израел од 7 октомври](https://cdnuploads.aa.com.tr/uploads/Contents/2024/09/05/thumbs_b_c_ac5f43d0ae7db028df8a8dae553ce6d0.jpg?v=165508)
ГАЗА (АА) - Израел приведе 36 палестински новинари од Појасот Газа од 7 октомври минатата година, соопштија локалните власти денес, јавува Анадолу.
„Го документиравме приведувањето на 36 новинари од страна на Израел во текот на неговата геноцидна војна врз Газа“, изјави за Анадолу, Исмаил Тавабтех, кој ја предводи владината канцеларија за медиуми на Газа.
Тој рече дека само четворица новинари се ослободени, додека 32 други остануваат во притвор.
Според Тавабтех, најмалку 172 новинари биле убиени во израелските напади во Газа од 7 октомври 2023 година.
Израелската Армија систематски ги гаѓаше палестинските новинари во Газа за време на нејзините напади врз енклавата и покрај предупредувањата од меѓународните новинарски групи.
Прекршувајќи ја резолуцијата на Советот за безбедност на Обединетите нации со која се бара итен прекин на огнот, Израел се соочи со меѓународна осуда поради неговата континуирана брутална офанзива со неселективно бомбардирање на цивилни населби, училишта, верски објекти и болници во Појасот Газа на 7 октомври минатата година.
Според локалните здравствени власти, оттогаш се убиени повеќе од 40.800 Палестинци, главно жени и деца, а речиси 94.300 други се повредени.
Тековната блокада на енклавата доведе до сериозен недостиг на храна, чиста вода и лекови, оставајќи голем дел од регионот во урнатини.
Израел е обвинет за геноцид пред Меѓународниот суд на правдата, чија последна пресуда им наложи на израелските власти веднаш да ја прекинат воената операција во јужниот град Рафа.
И покрај тоа, израелските напади врз Појасот Газа продолжуваат со несмален интензитет, а испораката на хуманитарната помош не е доволна за решавање на хуманитарната катастрофа
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.