Во знак на протест против израелските напади врз Газа стотици демонстранти се собраа во Стокхолм

СКОПЈЕ (АА) - Стотици демонстранти се собраа на 28 јуни во населбата Оденплан во Стокхолм, главниот град на Шведска, марширајќи кон парламентот, осудувајќи ги воените операции на Израел врз Газа и апелирајќи на итен и безусловно прекин на огнот, известува Анадолу.

Учесниците носеа палестински знамиња и извикуваа слогани „Израел надвор од Газа“ и „Итен прекин на огнот веднаш“. Демонстрантите повикаа на прекин на тековниот конфликт и изразија револт кон бројот на цивилни жртви предизвикани од израелските бомбардирања и гранатирања на Појасот Газа.

- Израелски напади врз Појасот Газа

Отфрлајќи ги меѓународните повици за прекин на огнот, израелската армија спроведува брутална офанзива против Газа од октомври 2023 година. Во досегашните израелски напади убиени се над 56.300 Палестинци, воглавно жени и деца.

Минатиот ноември, Меѓународниот кривичен суд издаде налози за приведување на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел е обвинет за геноцид пред Меѓународниот суд на правдата поради својата војна против палестинската енклава.