Во израелските напади врз Газа загинаа повеќе од 100 вработени во ОН

ИСТАНБУЛ (АА) - Повеќе од 100 вработени на ОН се убиени за еден месец во Појасот Газа, кој е под жестоки напади на Израел, објави Агенцијата на Обединетите нации (ОН) за палестински бегалци на Блискиот Исток (УНРВА), пренесува Анадолу.

Генералниот комесар на УНРВА, Филип Лазарини, ја изрази својата тага поради загинувањето на вработената на УНРВА во соопштение објавено на социјалната мрежа Х.

„Повеќе од 100 работници на УНРВА е потврдено дека се убиени за еден месец (во Појасот Газа). Родители, наставници, медицински сестри, лекари, помошен персонал“, рече претставникот на ОН.

Наведувајќи дека УНРВА и Палестинците се во жалост, Лазарини нагласи дека „мора да постои хуманитарна пауза во конфликтот за да се стави крај на оваа катастрофа“.

Израел започна немилосрдни воздушни и копнени напади врз Појасот Газа по прекуграничниот напад на палестинската група Хамас на 7 октомври.

Убиени се 11.078 Палестинци, меѓу кои 4.506 деца и 3.027 жени. Според официјалните податоци, бројот на загинати во Израел изнесува околу 1.600.