Во израелските напади врз Појасот Газа во текот на ноќта загинаа 110 Палестинци

ГАЗА (АА) - Најмалку 110 Палестинци, меѓу кои и жени и деца, загинаа во израелските напади во текот на ноќта врз различни делови на Појасот Газа, на 18. ден од израелската офанзива врз Газа, пренесува Анадолу.

Израелските воени авиони продолжија со напади врз различни области низ Појасот Газа во текот на ноќта, соопшти сателитскиот канал Ал Акса на Телеграм.

„Израелските напади врз различни области во Појасот Газа вечерва резултираа со 110 загинати, вклучително деца и жени“, се вели во краткото соопштение.

Се наведува дека 57 лица загинале, а десетици се повредени во нападите врз станбени згради во Рафа и Хан Јунис во јужниот дел на Појасот Газа.

Има јавувања за загинати и повредени по израелските напади врз куќите до болницата „Шехиди Ал Акса“ и становите во „Кулите на затворениците“ западно од кампот Нусејрат во централниот дел на Појасот Газа.

Пријавени се загинати и повредени и откако израелски авиони извршија серија напади врз бегалскиот камп Џабалија во северниот дел на Појасот Газа.