Во напад со касетна бомба во Алепо загинаа 4 лица

АЛЕПО (АА) - Четири лица загинаа, а осуммина се повредени во вчерашниот напад со касетна бомба во Алепо, јавува Anadolu Agency (AA).

Воен авион на режимот го погоди подрачјето Ал-Шеар во источен Алепо, контролирано од опозицијата, изјави проопозициски претставник на цивилната одбрана за АА, Абдула Нуалу.

Голем број цивили се убиени и стотици се повредени во немилосрдните напади од страна на режимот и руските воени авиони во Алепо што се случија во последните неколку дена.

Сирија е заробена во жестока војна уште од почетокот на 2011 година, кога режимот на Башар ал-Асад презеде мерки со неочекувана свирепост против продемократските протести.

Оттогаш, стотици илјади луѓе загинаа и милиони се раселени поради конфликтот.