Во прекин сообраќајот на сите гранични премини во Босна и Херцеговина поради технички проблем

САРАЕВО (АА) - Привремено е прекинат сообраќајот на сите гранични премини во Босна и Херцеговина поради технички проблеми и пад на информацискиот систем, објавија надлежните институции, пренесува Анадолу.

Прекинот се однесува на граничните премини меѓу БиХ и Србија, БиХ и Црна Гора и БиХ и Хрватска, објави Босанско-херцеговскиот автомото клуб (БИХАМК).

Властите објавија дека техничките служби интензивно работат на отстранување на дефектот, но не можеа да прецизираат кога системот ќе биде вратен во функција.

Медиумите објавија дека поради прекинот се формирале долги редици возила на неколку гранични премини.