ЊУЈОРК
Во Њујорк денес се отворa изложбата на Агенција Анадолија на која ќе бидат изложени победничките фотографии на меѓународниот натпревар „Istanbul Photo Awards 2021“, известува Агенција Анадолија (АА).
Избор од 40 фотографии што покриваат големи настани низ целиот свет во текот на изминатата година ќе бидат изложени две недели во седиштето на ОН.
Церемонијата на отворање ќе се одржи во новоотворениот центар „Туркеви“, или Турска куќа, во Њујорк.
Постојаната мисија на Турција во Обединетите нации ќе помогне да се отвори изложбата што е спонзорирана од „Туркиш ерлајнс“ и Турската агенција за соработка и координација (ТИКА).
Гости на церемонијата се постојаниот претставник на Турција во ОН, Феридун Шинирлиоглу, Исмаил Чаглар, член на управниот одбор на Агенција Анадолија и Огуз Енис Перу, заменик-генерален директор на агенцијата.
Фотографиите ќе бидат преместени во седиштето на ОН по церемонијата и ќе бидат изложени за меѓународните дипломати и други посетители до 29 октомври.
Фотографијата на Мохамед Шајахан од Бангладеш со наслов „Љубовта на мајката“ ја освои наградата за Фотографија на годината.
Седмото издание на наградите и изложбата се организирани од Агенција Анадолија (АА).
Меѓународното жири составено од девет лица ги одбираат победниците секоја година.
