Газа: Израел ја претвори болницата Ел-Авде во воена касарна

ГАЗА (АА) - Израелските сили ја претворија во воена касарна болницата Ел-Авде, која се наоѓа во северниот дел на Газа и задржаа околу 240 лица, од кои 80 медицински лица, пренесува Анадолу.

Портпаролот на Министерството за здравство во Газа, Ашраф Ал-Кудра, во писмено соопштение истакна дека израелските сили ја претвориле болницата Ел-Авде во воена касарна.

Тој рече дека израелските сили во болницата држат околу 240 лица, без вода, храна и лекови, од кои 80 се медицински лица, 40 пациенти и 120 раселени лица.

Кудра информира дека било спречено движење низ одделенијата во болницата.

Инаку, Кудра вчера изјави дека израелските сили извршиле рација во болницата Ел-Авде.