Германија објави дека не ја поддржува израелската политика на окупација

БЕРЛИН (АА) - Германија денес соопшти дека не ја поддржува окупациската политика на Израел, откако судот на Обединетите нации го потврди правото на Палестинците на самоопределување и пресуди дека израелските населби на окупираните територии мора да се евакуираат, јавува Анадолу.

„Иако Германија го поддржува Израел поради нејзината историска одговорност кон еврејската држава, тоа не значи дека ја поддржува окупациската политика на Израел“, изјави за новинарите во Берлин заменик-портпаролот на германското Министерство за надворешни работи, Кристијан Вагнер.

Вагнер рече дека примарна задача на израелската Влада е да извлекува заклучоци од пресудите на судот на ОН.

Тој рече дека Германија во неколку наврати јасно ги кажала своите ставови за политиката на Израел за населување.

Во петокот, највисокиот суд на ОН го потврди правото на Палестинците на самоопределување и донесе одлука дека израелските населби на окупираните територии мора да бидат евакуирани.

Во советодавното мислење на судот во Хаг, окупираните палестински територии се прогласени за единствена територијална единица која мора да се заштити.