Германскиот канцелар Мерц: ЕУ мора да се трансформира во европска одбранбена унија

БЕРЛИН (АА) - Германскиот канцелар Фридрих Мерц денес изјави дека Европската Унија мора да се трансформира во европска одбранбена унија во услови на растечки меѓународни безбедносни предизвици, јавува Анадолу.

Говорејќи на Бизнис самитот во „Зиддојче Цајтунг“, Мерц рече дека Европејците мора да преземат нови чекори како одговор на војната во Украина, промените во евроатлантските односи и сè поагресивниот став на Кина.

„Неопходно е да се трансформира оваа Европска Унија во европска одбранбена унија. Се соочуваме со меѓународни предизвици на кои ние како Европејци мора да се справиме заедно - со можност да се одбраниме“, рече тој, додавајќи дека Германија мора да преземе поголема одговорност за Европа.

„Како најсилна економија и најнаселена земја во оваа Европска Унија, ние имаме многу поголема одговорност од кој било друг да преземеме одреден степен на лидерство во рамките на оваа Европска Унија. Но, тоа останува празна фраза ако не е исполнета со суштина“, рече Мерц.