Државјанин на БиХ меѓу настраданите лица во расистичкиот напад во Германија

САРАЕВО

Во оружениот напад на два угостителски објекти во градот Ханау во Германија е убиен и државјанин на Босна и Херцеговина, се соопштува од Министерството за надворешни работи на БиХ, пренесува Агенција Анадолија (АА).

„Со дополнителните проверки на Генералниот конзулат на Босна и Херцеговина во Франкфурт, генералниот конзул на БиХ, Луцијано Калужа, го извести МНР на БиХ дека настрадало едно лице, кое живеело во СР Германија, а со потекло од БиХ и имало државјанство на нашата земја“, се наведува од МНР на БиХ.

Министерството изразува сочувство до семејството на настраданиот државјанин на БиХ, како и до семејствата на сите други убиени во овој терористички напад.

Се извинуваат на сите поради ненамерната грешка во претходното соопштение во кое наведоа дека „едно лице кое настрада има босанско потекло, но нема државјанство на нашата земја“.