Еден загинат, 19 исчезнати при потонување на чамец со мигранти во Егејското Море

АТИНА (АА) - Едно лице го изгуби животот при потонување чамец со нерегуларни мигранти кај островот Фолегандрос, Грција, пренесува Агенција Анадолија (АА).

Според вестите објавени во грчките медиуми, чамец со околу 32 лица потонал поради дефект на моторот.

Во несреќата животот го загубил еден нерегуларен мигрант, а 19 лица се водат за исчезнати. Единиците на грчката крајбрежна стража успеале да спасат 12 лица, кои потоа се префрлени на островот Санторини.

Во тек се операции за пребарување и спасување на исчезнатите нерегуларни мигранти.