ЕУ размислува за ембарго за оружје и нови санкции кон Мјанмар

БРИСЕЛ

Шефот за надворешна политика на ЕУ, Жозеп Борел, изјави дека ЕУ е подготвена да воспостави нови санкции, вклучувајќи и ембарго на оружје, против воениот режим во Мјанмар, пренесува Агенција Анадолија (АА).

„Со оглед на ескалацијата на насилството во Мјанмар, потребна е зголемена меѓународна превентивна акција, вклучително и ембарго за оружје“, напиша Борел во соопштението, додавајќи дека Блокот е „подготвен да воведе дополнителни санкции против воениот режим“.

Во соопштението, исто така, се осудува неодамнешниот наплив на насилство во државите Кајах и Карен во Мјанмар.

Борел ги нарече нападите врз цивилите и хуманитарните работници „неприфатливи и очигледно кршење на меѓународното право“ и нагласи „итна потреба одговорните да се повикаат на одговорност“.

На 24 декември, војниците во државата Кајах убија и запалија најмалку 35 луѓе, меѓу кои жени, деца и хуманитарни работници.

Борел потврди дека ЕУ ќе продолжи да обезбедува хуманитарна помош за народот на Мјанмар.

ЕУ воведе санкции за истакнати воени лидери, владини претставници, како и за ентитети поврзани со воениот режим по државниот удар.

Блокот, исто така, одвои вкупно 89,5 милиони евра (101,3 милиони долари) хуманитарна помош за луѓето на кои им е потребна во Мјанмар.

На 1 февруари, воената хунта во Мјанмар ја презеде власта по наводите за измама на општите избори на 8 ноември 2020 година и политичката тензија во земјата.