Започна воената вежба „Ататурк 2021“ која ја изведуваат Турција и Пакистан

ИСЛАМАБАД

Единицата за односи со јавноста на армијата на Пакистан (ISPR) истакна дека вежбата што ќе се спроведува меѓу вооружените елементи на Турција и Пакистан ќе трае 3 недели, пренесува Агенција Анадолија (АА).

Во изјавата на Единицата за односи со јавноста на армијата на Пакистан (ISPR) исто така се нагласува дека вежбата дополнително ќе ги зајакне врските меѓу двете братски земји.

Од друга страна, министерството за национална одбрана на Турција, во изјавата дадена на 4 јануари истакна дека воената вежба на специјалните сили на Турција и Пакистан ќе се спроведе од 4 до 20 февруари во Пакистан.

Воената вежба во Турција се спроведува под името „Џинах“, додека во Пакистан под името „Ататурк“.

Заедничка воена вежба на специјалните сили на Турција и Пакистан се изведуваат од 1998 година.