Земјотрес со интензитет од 6,2 степени ја потресе Јапонија

ТОКИО

Во источниот дел на Јапонија, во подрачјето на Чиба се почувствува земјотрес со интензитет од 6,2 степени, јавува Агенција Анадолија (АА).

Агенцијата за метеорологија на Јапонија информира дека епицентарот на земјотресот кој се случил во утринските часови и бил со интензитет од 6,2 степени, се наоѓа во подрачјето на Чиба, сместено источно од главниот град Токио.

Земјотресот бил на длабочина од 30 километри, а се почувствувал во главниот град и околината.

По земјотресот не е дадено предупредување за цунами.