Израел со нови напади врз Централен Иран, Нетанјаху тврди дека има целосна контрола врз воздушниот простор над Техеран

ИСТАНБУЛ (АА) – Израел денес започна нова серија воздушни напади врз централниот дел на Иран, во услови на сè поголема ескалација на регионалните тензии од крајот на минатата недела, јавува Анадолу.

„Израелските воздухопловни сили имаат целосна контрола врз небото над Техеран“, рече Нетанјаху во изјавите во воздухопловната база Тел Ноф во Реховот, Централен Израел.

Израелскиот Канал 12 јави дека армијата напаѓа десетици цели во Централен Иран, без да даде никакви детали.

Регионалните тензии ескалираа од петокот кога Израел започна координирани воздушни напади врз повеќе локации низ Иран, вклучително и воени и нуклеарни постројки, што го натера Техеран да започне одмазднички напади.