Израелската полиција приведе 9 Палестинци во Кудс

КУДС (АА) - Израелската полиција приведе 9 Палестинци во подрачјата на Бејт Ханина и Силван кои се наоѓаат во окупираниот Источен Кудс (Источен Ерусалим), пренесува Агенција Анадолија (АА).

Информацијата преку писмено соопштение ја потврди Здружението на палестински затвореници.

Во соопштението се наведува дека 8 Палестинци биле приведени во Бејт Ханина од страна на израелските полицајци.

Според очевидците, израелските полицајци привеле и 16-годишен Палестинец во подрачјето на Силван, кое се наоѓа во близина на Месџид ал-Акса.

Очевидците пренесоа дека дошло до судир меѓу младите Палестинци и израелските сили во подрачјето на Џебел Мукебир во јужниот дел на Кудс.

Израелските сили употребиле солзавец врз Палестинците, додека со огнено оружје пукале во воздух.