Израелски војници ранија двајца Палестинци, од кои едно дете, пукајќи на Западниот Брег

РАМАЛА (АА) - Двајца Палестинци, меѓу кои и едно дете, се повредени од истрели на израелската армија за време на рациите во окупираниот град Рамала на Западниот Брег, известува Анадолу.

Според веста што ја објави официјалната палестинска агенција ВАФА, израелски војници извршиле рација во селото Шибтин, западно од Рамала.

Иако за време на рацијата не дошло до инциденти, израелските сили пукале врз локалното население, директно земајќи го за цел 15-годишно палестинско момче ранувајќи го во ногата.

Повреденото дете е пренесено на лекување во болница.

Израелската војска извршила рација и во селото Шукја, кое е во непосредна близина на селото Шибтин.

Еден 37-годишен Палестинец бил ранет во бутот од огнено оружје за време на рацијата.

Израелските војници под закана со оружје ги испразниле продавниците во селото, ги прегледале и малтретирале некои Палестинци.

Во текот на рацијата израелските војници оштетиле голем број возила во селото, пукајќи кон куќите на Палестинците и фрлајќи солзавец.

Од 7 октомври 2023 година, кога Израел го започна нападот врз Појасот Газа, има зголемен број притворања, рации и напади врз Палестинците на окупираниот Западен Брег и Источен Ерусалим.

Во овој период, убиени се 920 Палестинци, од кои 167 деца, а речиси 7.000 луѓе се повредени во нападите на израелските војници и Израелците кои ги узурпираа палестинските земји на окупираниот Западен Брег и во Источен Ерусалим.