Израелските сили срушија куќа на палестински затвореник

НАБЛУС

Израелските безбедносни сили срушија семејна куќа на палестински затвореник по име Халил Дувејкат, јавува Агенција Анадолија (АА).

Израелската Војска во текот на изминатата ноќ со булдожери го сруши домот на 46-годишниот Дувејкат во Наблус на окупираниот Западен Брег.

Дувејкат е татко на шест деца, а израелските сили го уапсија под обвинение дека е вмешан во напад што на крајот на август се случи во израелскиот град Петах Тиква.

Група палестински момчиња се спротивставија на рушењето на семејната куќа, а израелските сили ги разбркаа демонстрантите со употреба на солзавец, гумена и боева муниција.