Zeynep Tüfekçi Gülay
11 Ноември 2023•Ажурирај: 14 Ноември 2023
ГАЗА (АА) – Во моментите додека продолжуваат израелските напади врз блокираниот Појас Газа, Индонезиската болница во енклавата остана целосно без струја откако остана без гориво, јавува Анадолу.
Во болницата којашто се наоѓа во местото Џабалија на северот на Појасот Газа има илјадници ранети, болни и раселени Палестинци.
Генераторите престанаа да работат откако се исцрпија капацитетите на гориво, и болницата остана во целосен мрак.
Министерството за здравство во Газа на својот Телеграм профил објави соопштение и фотографија од болницата која остана без струја. Во соопштението се истакнува дека струјата, водата и комуникациите на Индонезиската болница на северот на Газа се целосно исклучени.
Атеф ал-Кахлут, директорот на Индонезиската болница, во изјава на 8 ноември рече дека имаат доволно гориво за само 24 часа и дека нивните активности потоа ќе престанат, доколку не добијат помош.
