Иран: Егзекутирани 10 лица осудени за убиство и силување

АНКАРА (АА) - Во Иран се егзекутирани 10 лица осудени на смрт за злосторства како што се убиство и силување, пренесува Агенција Анадолија (АА).

Според иранската Агенција за активисти за човекови права (HRANA), на 29 јуни 10 осуденици се егзекутирани во затворот „Реџаи Шехр“ во градот Караџ, покраината Елбурз.

Соопштено е дека осуммина од егзекутираните судот ги осудил на смрт поради обвинение за убиство и двајца за силување.

Иранските власти сѐ уште не дадоа изјава во однос на ова егзекуциите.

Според извештајот објавен од „Амнести интернешнл“ на 24 мај, во Иран во 2021 година егзекутирани се 314 луѓе. Иран е една од земјите со највисок број смртни казни во светот по Кина.