Иранскиот министер за разузнавање: Убиен налогодавачот на нападите во Техеран

ТЕХЕРАН (АА) - Иранскиот министер за разузнавање, Махмуд Алеви, потврди дека е убиен нарачателот на терористичките напади врз иранскиот парламент и мавзолејот на поранешниот ирански верски лидер, ајатолахот Хомеини, пренесува Anadolu Agency (AA).

„Лицето кој ја дал наредбата за терористичките напади во Техеран е убиено од страна на разузнавачките служби“, рече Алеви за иранската државна телевизија.

Тој нагласи дека во последните три месеци се идентификувани 25 терористички структури.

Во Техеран, на 7 јуни дојде до напад врз зградата на иранскиот парламентот, и до напад пред мавзолејот на поранешниот ирански верски лидер, ајатолахот Хомеини.

Безбедносните сили ги убија сите напаѓачи кои учествуваа во нападите врз зградата на иранскиот парламент, додека пред мавзолејот на Хомеини е изведен самоубиствен бомбашки напад.

Иранската државна телевизија објави дека во нападите во Техеран загинале 22 лица, вклучувајќи ги и петмината напаѓачи. Повредени се 52 лица.

Одговорноста за нападот го презеде терористичката организација ДЕАШ.